Munduko Hiritarrok. Kulturartekotasuna. Batxilergoa 2. Aniztasun kulturala bizitzea

Proiektuaren bidez, zenbait ikasgaitako curriculumean kontuan hartuko da migrazioen gertakaria, baita haren arrazoiak eta pertsonengan zein gizartean daukan eragina ere. Gertakari hori, hain zuzen ere, eztabaida handiena sorrarazten duten gaietako batean sartuko da bete-betean: kultura bera eta giza jokabidean daukan eragina. Izan ere, argudio nagusietakoa izango da, pertsonak ez onartzeko eta, arrazaren ordez, kultura bera bereizkeriaren azalpen moduan erabiltzeko.

Azken produktua “foro-antzerkia” izango da. Bertan, pertsona anitzen arteko gatazkaren bat azalduko da, baita gatazka horretarako ustezko konponbideak ere. Antzezpenak bideoan grabatu, eta plataforma digitalen batean eseki ahal izango dira.