Sarritan intoleranteak
Azalpena
Zer esanahi du intolerantziak? Animatzen gara jarrera intoleranteak jasotzen dituen egoera bat antzeztera edota testu bat idaztera? Nondik sortzen dira jarrera hauek eta zein ondorio dituzte?
Familian, auzoan, herrian edo mundu mailan egunero gertatzen diren intolerantzia-egoerei buruz taldeka hausnartzeko eskatuko zaie ikasleei. Talde bakoitzak intolerantzia-jarrerak erakusten dituen egoera bat aukeratuko du, eta ikasgelan antzeztuko du. Antzezpen guztiak amaitutakoan, intolerantziari buruz, horren zergatiei buruz eta sortzen dituen eraginei buruz hausnartuko dute (2.1 fitxa).
Ondoren, funtsezko argumentu-lerroak eta hausnarketatik ateratako proposamenak zehaztutako dituzte taldeka, eta testu bat idatziko dute, talde bakoitzak formatu batekin.
Amaitzeko, testuen aniztasuna aztertuko dute, baita ideia bera nola adieraz daitekeen modu desberdinetan ere, mezua testuinguruari eta hartzaileari hobeto egokitzeko.
Testuak Alboan-era bidal ditzakete, gure web orrian jarri ahal izateko edota etorkizuneko materialetan erabiltzeko.
Gaitasunak
- 1 - Gaitasun kultural eta artistikoa
- 2 - Hizkuntza-gaitasuna
- 3 - Gizarterako eta herritarren eskumena