Orainaren protagonistak

Zer esaten digute posterrek parte hartzearen inguruan? Zein adibide aurki genitzake eguneroko bizitzan posterrek diotenarekin lotuak?

Girotzeko, posterretan oinarrituz, parte-hartzearen kontzeptua landuko da. Horretarako, ikasleei posterrak arretaz begiratzeko eskatuko zaie eta ikurren bidez transmititzen dituzten mezuak interpretatzeko (jarrerak, balioak...). Posterrak ikusitakoan, taldeka jarri eta gizartean parte-hartzeari buruz eta taldean sortzen diren ideiei buruz hitz egingo dute.

Taldeek orain posterrek ematen duten informazioa osatzeko eta zehazteko adibideak eta datuak bilatu beharko dituzte prentsan, hau da, gizartean parte-hartzearen kasu errealak. Talde bakoitzak ikerketa-lanaren eta bildutako informazioaren aurkezpena prestatu beharko du. Azkenik, bateratze-lana egingo da.

Azkeneko saioan, ikasleei eskatuko zaie gelan egindako aurkezpenean oinarrituz kazetari, umorista edo egunkari bateko marrazkilari gisa parte hartzeko eta berri bat idatzi edo komiki-banda edo umore-bineta diseinatzeko. Horrela, beraiek egindako lana “Orainaren protagonistak” lehiaketan aurkeztera bultzatuko ditugu.