Munstro arrosa

Alfonbra gainean borobil batean eseri ostean, irakasleak ipuina irakurriko du eta galderak egingo ditu, denen artean irakurritakoa ulertu duten edo ez ikusteko; besarkaden dinamika batekin jarraituz.

Ondoren, ikasle guztien artean izen bat aukeratzeko eskatuko diegu. Arrosa izan behar duenez, nesken izenak soilik aipatzen badira, irakasleak azal dezake pertsona guztiek erabil ditzaketela kolore guztiak. Gainera, arrosa kolorea daramaten gizonezkoen eta emakumezkoen argazkiak erakuts ditzake.

Bukatzeko, talde bakoitzak jarduera batzuk egin ditzake matematikako, plastikako eta eraikuntzako txokoetan era dinamiko batean, landutakoarekin amaitzeko.

* Matematika-txokoa: Segidak. Ipuineko irudi batzuk banatuko ditugu, ikasleek ordenan jar ditzaten.

* Plastika-txokoa: Haur bakoitzak munstro bat egin dezake. Horretarako, paperezko arrautzak hartuko dituzte, mozteko, eta gero, pinotxo-paperarekin bete ditzakete.

* Eraikuntza-txokoa: Munstro arrosa ez da etxe zuri-beltzean sartzen, eta taldeak munstroa bizitzeko moduko beste etxe bat egingo du (baita koloretako herri bat ere).