Internet: informazioa edo desinformazioa?
Azalpena
Interneten ba al da adierazpen askatasunik? Zilegi al da nahi duenak nahi duena sarean jartzea? Nola erregula liteke hau? Nork erabaki behar du hau guztia?
Interneterako sarbiderik bada, ikasleei “informazio askatasuna sarean” gaiari buruzko bilaketa egin dezaten eskatuko zaie. Zilegi ez bada, bilaketa eginda emango zaie. Ikasleei taldeka lan egiteko eta bilaketaren emaitzak aztertzeko: lortutako emaitza interesgarriak, irakurritakoaren laburpena, oinarrizko elementu eta argumentuak, etab. Taldeak gelan egingo duen azalpena prestatuko du, galdera hauen laguntzaz (1.1 fitxa)
Horren ostean, azaldutako jarrera ezberdinetan oinarrituriko debate orokor bat antolatuko da.
Beste aldaera bat talde bi osatzearena da. Bat informazio askatasun handiagoaren aldekoa eta bestea askatasun horri mugak jartzearen aldekoa. Guztien artean erabaki daiteke moderatzaile eta animatzailea nor izango den eta debaterako funtzionatze arauak ezarri, edo bestela, ondoren, eztabaidatzen dakigun aztertu, besteei uste dutena adierazten uzten diegun, iritziak gaitzesten ditugun, eta abar.
Jarduera hau osa daiteke gelan, ikastetxean eta familian izan beharreko komunikazio arauak zehaztuz. Horretaz gain, azter daitezke informazio askatasuna, intimitaterako eskubidea, eta abar zalantzetan uzten duten kasu konkretuak.
Gaitasunak
- 1 - Informazioa tratatzeko gaitasuna eta gaitasun digitala
- 2 - Hizkuntza-gaitasuna
- 3 - Gizarterako eta herritarren eskumena