Informatu eta jardun
Azalpena
Imajina dezagun GKE bat garela eta herrialde batetako Giza Garapenaren Indizea aztertu nahi dugula. Behin ikerketa egin dugunean, Nazio Batuen Batzar Nagusian zein nolako jarduteko proposamenak aurkez ditzakegu? Zergatik aurkezten ditugu proposamen hauek? Jende askorengana iristen direlako edota kostu txikiak dituztelako?
Ikasleak lau taldetan banatuko dira eta talde bakoitzari landu beharreko kasu bat emango zaio. Taldekoek pentsatu behar dute GKE bat osatzen dutela, eta ikerketa bat egin behar dute herrialde bati buruz. Ondoren, Nazio Batuen Erakundeko Batzar Nagusian jarduteko proposamen bat aurkeztu beharko dute.
Horretarako, lehen pausoa bakoitzari tokatutako herrialdearen gaur egungo egoerari buruzko datu hauek bilatzea izango da: alfabetizazio-indizea, bizi-itxaropena eta helduen alfabetizazio-tasa (giza garapenaren indizea). Herrialdeko datuak sexuaren arabera alderatzeko eska dakieke (generoaren garapenaren indizea). Ikerketa egin ondoren, taldeek txosten estatistikoa egingo dute eta herrialde horren errealitatea adierazten duten grafikoak aurkeztuko dituzte. Azkenik, datuak aztertu ondoren, GKE bakoitzak ekintza bat proposatu beharko du detektatutako beharretako bat konpontzeko.
Gaitasunak
- 1 - Gaitasun zientifikoa
- 2 - Matematikarako gaitasuna
- 3 - Gizarterako eta herritarren eskumena
Beharrezko materiala
Internet eta bibliografia