Historia ezkutukoena
Azalpena
Zer gertatu zen Asian, Ameriketan edota Afrikan Frantzian Iraultza Frantsesa gertatzen ari zenean? Konta genezake beste herrialderen batean zer gertatu zen garai berean? Afrikari buruz Europa nahiz Amerikaren inguruan dugun idatzizko informazio berbera al daukagu? Zergatik? Hitzik ez duten herrialdeei eta taldeei hitz egiteko aukera emateko zer egin dezakegu?
Irakasleek irakasgaiaren ikuspuntutik garrantzitsua den garai historiko bat aukeratuko dute (adibidez, Iraultza Frantsesa). Ikasleek, taldeka, garai berean beste herrialdeetan zein gertaera garrantzitsu izan ziren ikertu beharko dute. Talde bakoitzari herrialde jakin baten inguruko lana egiteko eskatuko zaie, eta ez dira aukeratuko kontinente bereko bi herrialde.
Bildutako informazioarekin “kronika historiko” bat egin beharko dute. Ondoren, taldeka, galdera batzuk emango zaizkie gaiaren inguruan hausnartzeko; Afrika kontinenteari, ezezagun handiari, buruzko ikerketa bat egiteko ere proposatuko zaie. Azkenik, hitzik ez duten horiek (herrialdeak, talde zehatzak, etab.) hitz egiteko eskubidea nola lor dezaketen hausnartzea proposatuko zaie. Parte-hartzea hobetzeko, proposamenak ikastetxean aurkez ditzakete.
Artikulu bat idazten badute, Alboan-era bidal dezakete, gure web orrian jarri ahal izateko edota etorkizuneko materialetan erabiltzeko.
Gaitasunak
- 1 - Autonomiarako eta ekimen pertsonalerako gaitasuna
- 2 - Informazioa tratatzeko gaitasuna eta gaitasun digitala
- 3 - Gizarterako eta herritarren eskumena
Beharrezko materiala
Internet eta bibliografia