Gustua askotarikoa da!

Irakasleak diktatzen dizkigun hitzak beste hitz batzuekin erlazionatzen saiatuko gara. Zer hitz lotzen dugu adibidez justizia, bakea edota beldurrarekin? Ikasgelako kide guztiok hitz berarekin erlazionatu al ditugu hitzok? Zergatik? Zer adierazten digu aniztasun honek?

Ikasleek bi zutabe marraztuko dituzte orri batean. Lehenengoan irakasleak diktatuko dituen hitzak idatziko dituzte, eta bigarrenean izen bakoitzarekin lotzen duten lehen hitza. Ariketa bizkor egin behar da. Ikasle guztiek hitz guztiak idatzitakoan, ozen irakurriko dituzte banan-banan. Ondoren, lortutako emaitzen aniztasunari buruz eta elkarrekin bizitzeko aukerari buruz hausnartuko dute; horretarako, kontuan hartuko dute desberdintasunek alde batetik zaildu egiten dituela elkarbizitza eta, bestetik, aberastu.