Ezinezko zeregina
Azalpena
Pertsona guztiak zerbaitetan parte hartzen dugunean, erraza al da taldea koordinatzea eta akordioetara iristea? Nola antola gaitezke horretarako? Zein nolako egoeretan parte hartu izaten dugu? Nola egiten dugu? Nola sentitzen gara? Pena merezi al du?
Ikasleak bi talde handitan banatu eta bakoitzak zeregin bat izango du.
A taldea: Taldeko partaide guztiak gainazal baten gainean (eserlekua, mahaia) gutxienez bost segundoz egotea da helburua; gainazal hori nabarmen txikia izango da taldeko partaide-kopuruarentzat. Horretarako, antolatu eta elkarrekin lan egin beharko dute, eta hainbat estrategia probatu beharko dituzte.
B taldea: Lurrean alfonbra bat jarriko dugu. Oso garrantzitsua da alfonbra erraz irristatzea lurrean, eta taldeko guztiak gainean zutik justu-justu sartzeko adinako tamaina izatea. Alfonbraren gainean dauden guztiek beren artean antolatu behar dute, alfonbra bi marraren artean joan dadin. Hau da, ibilbide bat egin behar dute alfonbra gainean.
Kasu bakoitzeko helburuak lortu ondoren, talde bakoitzak beste taldeak egindakoa egin beharko du.
Jokoa azaltzeko garaian, taldekoek haien buru izango den pertsona bat aukeratzeko proposa daiteke; pertsona horrek taldeak gauzatu beharreko ekintzak antolatu beharko ditu. Azkenik, eztabaidatu egin daiteke, esate baterako, 2.1 fitxan aipatutako gaien inguruan.
Gaitasunak
- 1 - Hizkuntza-gaitasuna
- 2 - Gizarterako eta herritarren eskumena
Beharrezko materiala
Eserlekua, mahaia edo antzeko zerbait eta alfonbra.