Bezeroarentzako arreta
Azalpena
Zer da Kontsumitzailearen Informaziorako Udal Bulegoa? Eta Bezeroaren Arreta zerbitzuek, zer eskaintzen digute? Zeintzuk dira gure eskubideak eta betebeharrak kontsumitzaile bezala? Eta enpresenak?
Bistakoa da denok garela kontsumitzaile. Batzuetan, ordea, kontraesanak edo kezkak sortzen zaizkigu kontsumoa dela eta. Zer bitarteko eskaintzen zaizkie, bada, kontsumitzaileei?
Esan ikasleei Kontsumitzailearen Udal Informazio Bulegora joateko, edo zenbait enpresarekin harremanetan jartzeko –bezeroarentzako informazio-telefonoaren bitartez–, jakiteko zer bitarteko erabiltzen diren auziren bat sortuz gero kontsumoa dela eta (ikus 3.1 fitxa).
Enpresen ranking bat ere egin daiteke, irizpide hauen arabera: kontsumo-auziak tratatzeko bezeroari zer bide eskaintzen dioten, eta zer zabalera eta kalitate duen bide horrek. Ikasleek gehiegikeriarik gertatuz gero kontsumitzaileek zer eskubide eta baliabide dituzten jakinaraziko diote ikastetxe osoari, auzo edo herriari edo gizarte osoari (Interneten bidez).
Gaitasunak
- 1 - Informazioa tratatzeko gaitasuna eta gaitasun digitala
- 2 - Gizarterako eta herritarren eskumena