Babel dorrea

Ezagutzen al ditugu Japon, Estatu Batuak, Maroko, Grezia, Mexiko edota Kenya bezalako herrialdeetako jaki tipikoak? Eta herrialde hauetako hizkuntzei dagozkien alfabetoak? Gai izango ginateke aipatutako herrialdeak mapa batean kokatzeko? Jarduera honetan aniztasun kulturalaren hainbat alderdi lantzen dira. Halaber, ikasleari gogoeta egitea eskatzen zaio norberaren kultura mantentzeko beharraren eta eskubidearen inguruan eta kultura ezberdinen arteko elkarbizitzak dakartzan lorpen eta zailtasunen inguruan.

Ikasleak taldeka banatzen dira. Talde bakoitzari herri batzuen izenak eta bertoko jaki tipikoen izenak emango zaizkio. Jaki bakoitza, ohituraz eta kulturaz, zein herriri dagokion pentsatu eta asmatu beharko dute taldeek (arroza/Japonia; hanburgesa/Ameriketako Estatu Batuak; tea/India; datilak/Maroko; jogurta /Grezia; aguakatea/Mexiko; banana/Kenya) eta ondoren, talde guztiak elkartzean, munduko mapa handi batean. (Peters-en bertsioa gomendatzen da) kokatu beharko dituzte.

Hau egin ostean, irakasleak hauetako herri batzuen (Japonia, Maroko, Grezia, India) hizkuntza eta grafiari dagozkien alfabetoak erakutsiko dizkie ikasleei. Talde bakoitzak, proposatutako alfabeto bakoitza erabiliz, bere lan-taldearentzako izen bat pentsatu beharko du.

Talde guztiak elkartzen direnean, herri bakoitzak bere kultura eta adierazpena izateko beharra zein eskubideari buruz eta kultur aniztasuna egoteak dakartzan alde onak eta alde txarrei buruz gogoeta egitea proposatuko zaie ikasleei. Azkenik, kultur berberatasuna izateko eskubidea errespetatzeko egin daiteken zenbait ideia edo proposamen proposa dakieke.