Autoz ala autobuez?
Azalpena
Zein da hobea bidaiatzeko, automobila ala autobus publikoa? Ze argumentu ditugu baten eta bestearen alde eta kontra? Elkarrekin hitz egin genezake nahiz eta iritzi kontrajarriak izan? Zer da garrantzitsua horretarako?
Ikasleei dilema bat proposatuko zaie: zer da hobea, garraio publikoan edo pribatuan bidaiatzea? Dilema planteatutakoan, ikasleak bi taldetan banatuko dira, dilema horri buruz duten jarreraren arabera. Talde bakoitzak beren jarrera indartu eta bestearena ahultzen duten argumentuak (ikusi 1.1 fitxa) pentsatu behar ditu. Azkenik, eztabaida egingo da gai horri buruz hitz egiteko. Interesgarria izango litzateke moderatzaile bat egotea. Ariketa amaitzeko, eztabaida-prozesuari buruz eta ondorioak eta adostasunak lortzeko moduari buruz hausnar dezakete (ikusi 1.2. fitxa).
Baliteke adostasunik ez lortzea, baina batzuetan garraio bat erabiltzea bestea erabiltzea baino hobea dela erabakitzea. Kasu horretan, azpimarratu behar da gatazkak konpontzea erlatiboa dela, hau da, batzuetan ez dagoela erantzun bakar eta baliozko bat kasu guztietarako.
Gaitasunak
- 1 - Gaitasun zientifikoa
- 2 - Hizkuntza-gaitasuna
- 3 - Gizarterako eta herritarren eskumena