Artea deszifratzen

Pertsona guztiok modu berean interpretatzen al ditugu artelanak? Eta bizitza errealean, modu berean interpretatzen al ditugu pertsona guztiok gauzak? Interpretazio aniztasun honek gatazkak sortzen al ditu?

Irakasleak hainbat artelan hautatu behar ditu (eskulturak, pinturak, arkitektura-lanak...). Ikasleek taldeka azaldu behar dute zer esanahi ematen dioten artelan horietako bakoitzari, zer sentiarazten dieten eta, ikasleen ustez, zer adierazi nahi izan zuen artistak.

Interesgarria izan daiteke Gernikako Bakearen Museora (Bizkaia) bisitaldi bat egitea, edo diapositiben bidez aztertzea hango obrak.