Antzara-Jokoa: Mugarik gabeko mundu bat
“Mundurik mundu, mundua hobetuko dugu”. Egokitutako antzara-joko hau baliatuz, migrazioko eta babes-eskeko prozesuen inguruko errealitatea ezagutarazi nahi diegu Lehen Hezkuntzako (eta Bigarren Hezkuntzako lehen zikloko) neska-mutilei, proba, istorio eta galderen bidez.
Jolasa, zalantzarik gabe, gogoeta eta inplikazioa planteatzeko modu dibertigarri eta didaktikoa da. Jolasaren bertsio honetan parte hartuz, honelako gaiak landuko dituzte:
- mugikortasun behartua, oro har.
- ingurumen-arazoak eta mugikortasun behartua.
- emakume eta neskato migratzaile eta errefuxiatuak.
- haurtzaroa eta migrazioa.
- Garapen Jasangarriko Helburuak (GJH).
Baina, gainera, enpatizatzen saiatuko gara, eta mundu hobe baten alde lan egiteko eta konprometitzeko aukera eta erantzukizuna dugula ikusarazten.
Hainbat mahai-joko eta kale-joko bat ditugu mailegatzeko, eskatzen dutenen eskura.
Informazio gehiago behar baduzu, jarri harremanetan gurekin: a.urretavizcaya@alboan.org
* Jokoaren osagaiak hauek dira: argibideak, ohol berezia, gaiei buruzko galderak dituzten txartelak eta proba-txartelak; 4 fitxa eta dadoa. Jokoa hemen aurkituko duzu >